നോകിയ 9 പ്യുര്‍വ്യൂ; ഫോണിന് 15000 രൂപയുടെ വിലക്കുറവ് പ്രഖ്യാപിച്ച് കമ്പനി

നോകിയയുടെ നോകിയ 9 പ്യുര്‍വ്യൂവിന് വന്‍ വിലക്കുറവ് പ്രഖ്യാപിച്ചു. 15000 രൂപയുടെ കുറവാണ് നോകിയ വെബ് സൈറ്റില്‍ പ്രഖ്യാപിച്ചിരിക്കുന്നത്.[www.malabarflash.com]

ഇന്ത്യയില്‍ കഴിഞ്ഞ ജൂലൈയിലാണ് നോകിയ 9 പ്യുര്‍വ്യു പുറത്തിറക്കിയത്. നീല നിറത്തില്‍ മാത്രമാണ് ഫോണ്‍ ലഭ്യമാകുന്നത്. അന്ന് 49999 രൂപയായിരുന്നു ഫോണിന് കമ്പനി പ്രഖ്യാപിച്ചിരുന്ന വില. ഇതാണ് ഇപ്പോള്‍ 34999 രൂപയായി ഒറ്റയടിക്ക് കുറച്ചിരിക്കുന്നത്.

എന്തുകൊണ്ടാണ് വില കുറച്ചതെന്ന കാര്യം നോകിയ വ്യക്തമാക്കിയിട്ടില്ല. പിന്‍ഭാഗത്ത് അഞ്ച് ക്യാമറകളാണ് നോകിയ 9 പ്യുര്‍വ്യൂവിനുള്ളത്. ഇരട്ട നാനോ സിമ്മുകള്‍ ഇടാവുന്ന നോകിയ 9 പ്യുര്‍വ്യൂവില്‍ ഒ.എസായി ആന്‍ഡ്രോയിഡ് 9 പൈയാണ് ഉപയോഗിച്ചിരിക്കുന്നത്. ആറ് ജി.ബി റാമുള്ള ഫോണില്‍ 128 ജി.ബിയാണ് ഇന്റേണല്‍ സ്റ്റോറേജ്. പിന്നിലെ പെന്റ ക്യാമറ കൂട്ടത്തില്‍ മൂന്ന് 12എം.പി മോണോക്രോം സെന്‍സറുകളും രണ്ട് 12എം.പിയുടെ ആര്‍.ജി.ബി സെന്‍സറുകളുമാണുള്ളത്. മുന്‍ക്യാമറ 20 എം.പിയുടേതാണ്. 3320 എം.എ.എച്ച് ബാറ്ററി വാഗ്ദാനം ചെയ്യുന്നു.