തമിഴ്‌നാട് തൃശിനാപ്പള്ളി തെന്നൂര്‍ ഇനാംദാര്‍തോപ്പ് സ്വദേശി പി ജയറാം (30), കണ്ണൂര്‍ മണക്കടവിലെ ആല്‍വിന്‍ കെവി (25), കോഴിക്കോട് സ്വദേശി അഖില്‍ ജോര്‍ജ് (27), കോട്ടയം രാമപുരം ഏഴച്ചേരിയിലെ എ എസ് സന്തു നെപോളിയന്‍ (21) എന്നിവരെയാണ് കാസര്‍കോട് സിഐ അബ്ദുര്‍ റഹീമിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്.
ജയറാമിന്റെ കാനഡയിലുള്ള ബന്ധു മദന്‍ കണ്ണന്‍ ആണ് വിവിധ ബാങ്ക് അക്കൗണ്ട് വിവരങ്ങള്‍ ജയറാമിന് കൈമാറിയത്. ഇതുപയോഗിച്ച് സംഘം വ്യാജ എ ടി എം കാര്‍ഡുകളുണ്ടാക്കും. ഇതുപയോഗിച്ച് നിരവധി പേരുടെ പണം സംഘം തട്ടിയതായാണ് പോലീസിന് ലഭിച്ചിരിക്കുന്ന വിവരം.
സംഘത്തിന്റെ പക്കല്‍ നിന്നും 17 ഓളം എ ടി എം കാര്‍ഡുകള്‍, ഒരു ലാപ്‌ടോപ്, രണ്ട് മൊബൈല്‍ ഫോണുകള്‍, ഒരു സൈ്വപ്പിംഗ് മെഷീന്‍, 10,000 രൂപ എന്നിവ പോലീസ് പിടിച്ചെടുത്തു. അറസ്റ്റിലായ ജയറാമിനെതിരെ തമിഴ്‌നാട്ടില്‍ ഇത്തരത്തില്‍ രണ്ടു കേസുകളുണ്ടെന്നും കര്‍ണാടകയിലും കേസ് നിലവിലുണ്ടെന്നും പോലീസ് പറഞ്ഞു.
0 Comments