ബുള്ളറ്റ് മണ്ണുമാന്തി യന്ത്രത്തിൽ ഇടിച്ച് രണ്ട് യുവാക്കൾ മരിച്ചു

തൃശൂർ: ദേശീയപാത പാലിയേക്കര ടോൾ പ്ലാസക്ക് സമീപം ബുള്ളറ്റ് മണ്ണുമാന്തി യന്ത്രത്തിൽ ഇടിച്ച് രണ്ട് യുവാക്കൾ മരിച്ചു. കോഴിക്കോട് തിരുവമ്പാടി സ്വദേശികളായ തിരുവേളിൽ സാബു ജോസഫിന്‍റെ മകൻ അതുൽ സാബു (23), തിരുവമ്പാടി പുറഞ്ചിറയിൽ ശരത് സെബാസ്റ്റ്യൻ (23) എന്നിവരാണ് മരിച്ചത്‌.[www.malabarflash.com]

ബുധനാഴ്ച പുലർച്ചെ 4.30 നാണ് സംഭവം. എറണാകുളത്ത് വിദ്യാർഥികളായ ഇരുവരും അവധിയായതു കൊണ്ട് നാട്ടിലേക്ക് മടങ്ങിവരുകയായിരുന്നു. മൃതദേഹങ്ങൾ പുതുക്കാട് താലൂക്ക് ആശുപത്രിയിലേക്ക് മാറ്റി.