കോവിഡ്​: മരണം ഒന്നര ലക്ഷം; രോഗികൾ 22 ലക്ഷം

ന്യൂ​യോ​ർ​ക്: ലോകത്ത്​ രോഗികളുടെ എണ്ണം 22 ലക്ഷം പിന്നിട്ടതിനൊപ്പം മരണം ഒന്നര ലക്ഷം കവിഞ്ഞു. ലോ​ക​ത്തി​ലെ ​മൂ​ന്നി​ലൊ​ന്ന്​ രോ​ഗി​ക​ളും അ​മേ​രി​ക്ക​യി​ലാണ്​.[www.malabarflash.com]

മരിച്ചവരിൽ നാ​ലി​ലൊ​ന്നി​ന​ടു​ത്തും അ​മേ​രി​ക്ക​ക്കാർതന്നെ. ആ​റേ മു​ക്കാ​ൽ ല​ക്ഷം രോ​ഗി​ക​ളും 35,000 മ​ര​ണ​വും ഇ​വി​ടെ​നി​ന്ന്​ റി​പ്പോ​ർ​ട്ട്​​ ചെ​യ്​​തി​ട്ടു​ണ്ട്. വ്യാ​ഴാ​ഴ്​​ച രാ​ത്രി എ​ട്ടി​ന്​ അ​വ​സാ​നി​ച്ച 24 മ​ണി​ക്കൂ​റി​നു​ള്ളി​ൽ യു.​എ​സി​ൽ മരിച്ചത്​ 4,591 പേർ. അതോടെ, ഒ​രു ദി​വ​സം ഏ​റ്റ​വും കൂ​ടു​ത​ൽ​പേ​ർ മ​രി​ച്ച​തി​​െൻറ റെ​ക്കോ​ഡും അ​മേ​രി​ക്ക​ക്കു​ത​ന്നെ.

അ​മേ​രി​ക്ക​യി​ലെ മു​ഴു​വ​ൻ സം​സ്​​ഥാ​ന​ങ്ങ​ളി​ലും രോ​ഗ​ബാ​ധി​ത​രും മ​ര​ണ​വും റി​പ്പോ​ർ​ട്ട്​ ചെ​യ്​​തു. ന്യൂ​യോ​ർ​ക്കി​ൽ മാ​ത്രം പ​തി​നാ​റാ​യി​ര​ത്തി​ലേ​റെ​യാ​ണ്​ മ​ര​ണം. രോ​ഗി​ക​ൾ ര​ണ്ടേ​കാ​ൽ ല​ക്ഷം. അ​ഞ്ച​ര ല​ക്ഷം ടെ​സ്​​റ്റു​ക​ളാ​ണ്​ ന്യൂ​യോ​ർ​ക്കി​ൽ മാ​ത്രം ന​ട​ത്തി​യ​ത്. മു​ക്കാ​ൽ ല​ക്ഷം രോ​ഗി​ക​ളു​ള്ള ന്യൂ​ജ​ഴ്​​സി​യാ​ണ്​ മ​ര​ണ​ത്തി​ലും രോ​ഗ​ബാ​ധി​ത​രു​ടെ എ​ണ്ണ​ത്തി​ലും ര​ണ്ടാ​മ​തു​ള്ള അ​മേ​രി​ക്ക​ൻ സം​സ്​​ഥാ​നം.

കാ​ലി​ഫോ​ർ​ണി​യ​യും വാ​ഷി​ങ്​​ട​ണു​മെ​ല്ലാം അ​തി​വേ​ഗം രോ​ഗ​വ്യാ​പ​നം റി​പ്പോ​ർ​ട്ട്​ ചെ​യ്യു​ന്ന സം​സ്​​ഥാ​ന​ങ്ങ​ളാ​ണ്. രോ​ഗി​ക​ൾ ര​ണ്ട്​ ല​ക്ഷ​ത്തി​നോ​ടും മ​ര​ണം ഇ​രു​പ​തി​നാ​യി​ര​ത്തോ​ടും അ​ടുക്കു​ന്ന സ്​​പെ​യി​നി​ൽ മ​ര​ണ​നി​ര​ക്ക്​ കു​റ​ഞ്ഞു. ഒ​രാ​ഴ്​​ച​യാ​യി ശ​രാ​ശ​രി 525 പേ​രാ​ണ്​ ഇ​വി​ടെ മ​രി​ക്കു​ന്ന​ത്. മ​ര​ണ​ക്ക​ണ​ക്കി​ൽ ലോ​ക​ത്ത്​ ര​ണ്ടാ​മ​തു​ള്ള ഇ​റ്റ​ലി​യി​ൽ 22,000 ക​വി​ഞ്ഞു ജീ​വ​നാ​ശം. 1.7 ല​ക്ഷ​മാ​ണ്​ രോ​ഗ​ബാ​ധി​ത​ർ. ശ​രാ​ശ​രി 775 പേ​ർ​വീ​തം ഏ​ഴു​ദി​വ​സ​ങ്ങ​ളി​ൽ മ​രി​ച്ച ഇ​വി​ടെ ഇ​പ്പോ​ൾ അ​ത്​ 550ലെ​ത്തി​യ​തി​ന്റെ ആ​ശ്വാ​സ​ത്തി​ലാ​ണ്​ ഇ​റ്റ​ലി. 3,750-4,000 പേ​രാ​ണ്​ ര​ണ്ടാ​ഴ്​​ച​ത്തെ ശ​രാ​ശ​രി രോ​ഗ​വ്യാ​പ​ന​ത്തി​​െൻറ തോ​ത്.

ഫ്രാ​ൻ​സും ജ​ർ​മ​നി​യും യു.​കെ​യു​മാ​ണ്​ രോ​ഗി​ക​ളു​ടെ എ​ണ്ണം ല​ക്ഷം പി​ന്നി​ട്ട മ​റ്റു​ മൂ​ന്നു​രാ​ജ്യ​ങ്ങ​ൾ. ഫ്രാ​ൻ​സി​ൽ മ​ര​ണം പ​തി​നെ​ട്ടാ​യി​ര​ത്തോ​ട​ടു​ക്കുമ്പോൾ മ​ര​ണ​നി​ര​ക്ക്​ പി​ടി​ച്ചു​നി​ർ​ത്തു​ന്ന​തി​ൽ ജ​ർ​മ​നി വി​ജ​യി​ക്കു​ന്ന​താ​യാ​ണ്​ ക​ണ​ക്കു​ക​ൾ. അ​വി​ടെ, 1.38 ല​ക്ഷം പേ​ർ രോ​ഗ​ബാ​ധി​ത​രാ​യെ​ങ്കി​ലും നാ​ലാ​യി​ര​ത്തി ഒ​രു​നൂ​റു​പേ​രാ​ണ്​ മ​രി​ച്ച​ത്. യു.​കെ​യാ​ണ്​ ല​ക്ഷ​പ്പ​ട്ടി​ക​യി​ൽ അ​വ​സാ​നം പ്ര​വേ​ശി​ച്ച രാ​ജ്യം. അ​വി​ടെ പ​തി​നാ​ലാ​യി​ര​ത്തി​ന​ടു​ത്താ​ണ്​ മ​ര​ണ​സം​ഖ്യ. ​ ഇ​വി​ടെ മൂ​ന്നേ​കാ​ൽ ല​ക്ഷം പേ​രി​ൽ ടെ​സ്​​റ്റ്​ ന​ട​ത്തി​യ​തി​ൽ ഒ​രു ല​ക്ഷ​ത്തി​ലേ​റെ പേ​ർ​ക്ക്​ കോ​വി​ഡ്​ സ്​​ഥി​രീ​ക​രി​ച്ച​ത്​ രോ​ഗ​വ്യാ​പ​ന​ത്തി​ന്റെ  തീ​വ്ര​ത​ക്കു തെ​ളി​വാ​ണ്.