ഞായറാഴ്ച ബംഗാൾ ഉൾക്കടലിന്‍റെ വടക്കു പടിഞ്ഞാറൻ ഭാഗത്തേക്കു നീങ്ങുന്ന ന്യൂനമർദം 20 ഓടെ വടക്കു കിഴക്കൻ ദിശയിലേക്കുള്ള സഞ്ചാരം ആരംഭിക്കും. ചുഴലിക്കാറ്റായി മാറുന്പോൾ അംഫാൻ എന്നായിരിക്കും പേര്.
ന്യൂനമർദത്തിന്‍റെ പ്രഭാവത്താൽ ആൻഡമാൻ തീരത്തും ആന്ധ്രപ്രദേശ്, ഒഡീഷ, പശ്ചിമബംഗാൾ തീരത്തും അടുത്ത ആറു ദിവസങ്ങളിൽ അതിശക്തമായ മഴയ്ക്കും കാറ്റിനും സാധ്യതയുണ്ട്.
ന്യൂനമർദത്തിന്‍റെ പ്രഭാവത്താൽ ആൻഡമാൻ തീരത്തും ആന്ധ്രപ്രദേശ്, ഒഡീഷ, പശ്ചിമബംഗാൾ തീരത്തും അടുത്ത ആറു ദിവസങ്ങളിൽ അതിശക്തമായ മഴയ്ക്കും കാറ്റിനും സാധ്യതയുണ്ട്.
ചുഴലിക്കാറ്റിന്‍റെ സഞ്ചാരപഥത്തിൽ കേരളം ഉൾപ്പെടില്ല. എന്നാൽ, കേരളത്തിൽ പലയിടത്തും ശക്തമായ മഴയ്ക്കും കാറ്റിനും സാധ്യതയുണ്ടെന്നും നിരീക്ഷണകേന്ദ്രം മുന്നറിയിപ്പു നൽകി.
കേരളത്തിൽ ഒറ്റപ്പെട്ട സ്ഥലങ്ങളിൽ 24 മണിക്കൂറിൽ 11 സെന്‍റിമീറ്റർ വരെയുള്ള കനത്ത മഴയ്ക്കാണു സാധ്യത.
മുന്നറിയിപ്പിന്‍റെ പശ്ചാത്തലത്തിൽ അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചു. ആലപ്പുഴ ജില്ലയിൽ ഞായർ, തിങ്കൾ ദിവസങ്ങളിലും കോട്ടയം ജില്ലയിൽ തിങ്കളാഴ്ചയും എറണാകുളം, ഇടുക്കി, തൃശൂർ ജില്ലകളിൽ ശനിയാഴ്ച മുതൽ തിങ്കളാഴ്ച വരെയുമാണ് യെല്ലോ അലർട്ട്.
0 Comments