മെഹ്ബൂബ മുഫ്തിയെ വീട്ടുതടങ്കലിൽനിന്നു മോചിപ്പിച്ചു

ന്യൂഡൽഹി: ഒരു വർഷമായി തടവിൽ കഴിയുന്ന ജമ്മുകശ്​മീർ മുൻ മുഖ്യമന്ത്രിയും പി.ഡി.പി അധ്യക്ഷയുമായ മെഹ്​ബൂബ മുഫ്​തിയെ വീട്ടുതടങ്കലിൽ നിന്ന്​ ​മോചിപ്പിച്ചു. പൊതുസുരക്ഷ നിയമപ്രകരാമാണ്​ മുഫ്​തിയെ തടവിലിട്ടിരുന്നത്​. ആർട്ടിക്കൾ 370 റദ്ദാക്കിയതിനെ തുടർന്നായിരുന്നു അവരെ ഭരണകൂടം തടവിലാക്കിയത്​​.[www.malabarflash.com]

ജമ്മുകശ്​മീർ സർക്കാറി​െൻറ ഔദ്യോഗിക വക്​താവ്​ രോഹിത്​ കൻസാൽ ട്വിറ്ററിലൂടെയാണ്​ മെഹ്​ബൂബയെ മോചിപ്പിക്കുന്ന വിവരം അറിയിച്ചത്​. മെഹ്​ബൂബ മുഫ്​തിയുടെ തടങ്കലിൽ സുപ്രീംകോടതി ഇടപെടൽ ഉണ്ടായതോടെയാണ്​ അവരുടെ മോചനത്തിന്​ വഴിയൊരുങ്ങിയത്​.

സെപ്​തംബറിൽ മുഫ്​തിയുടെ തടങ്കലിൽ ജമ്മുകശ്​മീർ സർക്കാറിനേയും കേന്ദ്രസർക്കാറിനെ കോടതി വിമർശിച്ചിരുന്നു. എത്ര കാലം മുഫ്​തിയെ തടവിലിടുമെന്നായിരുന്നു കോടതിയുടെ ചോദ്യം. മുഫ്​തിയുടെ തടവ്​ ഒരു വർ​ഷത്തേക്കാൾ നീളുകയാണെങ്കിൽ രണ്ടാഴ്​ചക്കകം ഇക്കാര്യത്തിൽ നിലപാട്​ വ്യക്​തമാക്കണമെന്ന്​ കോടതി ഉത്തരവിട്ടിരുന്നു.