റെഡ്മി നോട്ട് 10 പ്രോ മാക്‌സ് വിപണിയിൽ: 64 ജി.ബി മോഡലിന് 18999 രൂപ വില

ഷവോമിയുടെ ഏറ്റവും പ്രീമിയം മിഡ് റേഞ്ച് സ്മാര്‍ട്ട്‌ഫോണ്‍ റെഡ്മി നോട്ട് 10 പ്രോ മാക്‌സ് ഇന്ത്യയില്‍ വില്‍പ്പന തുടങ്ങി.108 മെഗാപിക്‌സല്‍ പ്രധാന ക്യാമറയുള്ള രാജ്യത്തെ ഏറ്റവും മൂല്യവത്തായ സ്മാര്‍ട്ട്‌ഫോണാണിത്. ക്യാമറയ്ക്ക് പുറമെ, അമോലെഡ് ഡിസ്‌പ്ലേ, ഗംഭീരമായ ഡിസൈന്‍, അതിവേഗ ചാര്‍ജിംഗുള്ള 5020 എംഎഎച്ച് ബാറ്ററി എന്നിവ നോട്ട് 10 പ്രോ മാക്‌സില്‍ ഉണ്ട്.[www.malabarflash.com]

6 ജിബി റാം, 64 ജിബി സ്‌റ്റോറേജ് മോഡലിന് നോട്ട് 10 പ്രോ മാക്‌സിന് 18,999 രൂപയും 6 ജിബി റാമും 128 ജിബി വേരിയന്റിനും 19,999 രൂപയ്ക്കും 8 ജിബി റാം, 128 ജിബി ഓപ്ഷന് 21,999 രൂപയുമാണ് വില. എംഐ.കോം, ആമസോണ്‍.ഇന്‍, എംഐ ഹോം, എംഐ സ്റ്റുഡിയോ സ്‌റ്റോറുകളില്‍ സ്മാര്‍ട്ട്‌ഫോണ്‍ ലഭ്യമാകും. ഡാര്‍ക്ക് നൈറ്റ്, വിന്റേജ് ബ്രോണ്‍സ്, ഗ്ലേഷ്യല്‍ ബ്ലൂ കളര്‍ ഓപ്ഷനുകളില്‍ ഇത് വില്‍പ്പനയ്‌ക്കെത്തും.

റെഡ്മി നോട്ട് 10 പ്രോ മാക്‌സില്‍ 6.67 ഇഞ്ച് അമോലെഡ് ഡിസ്‌പ്ലേ, 1080-2400 പിക്‌സല്‍ റെസല്യൂഷനും 20: 9 അനുപാതവും ഉണ്ട്.120 ഹേര്‍ട്‌സ് റിഫ്രെഷ് റേറ്റ് നല്‍കുന്ന ഇത് 1200 നൈറ്റിന്റെ ഏറ്റവും മികച്ച തെളിച്ചത്തോടെ വരുന്നു. ഉപഭോക്താക്കള്‍ക്ക് 8 ജി.ബി റാമും 128 ജിബി ഇന്റേണല്‍ സ്‌റ്റോറേജും തിരഞ്ഞെടുക്കാം.