കേരളത്തിൽ ബി.ജെ.പിയും കോൺഗ്രസും മുസ്​ലിം ലീഗും സഖ്യമുണ്ടായിട്ടുണ്ടെന്ന്​ ഒ. രാജഗോപാൽ

കോഴിക്കോട്​: കേരളത്തിൽ ബി.ജെ.പിയും കോൺഗ്രസും മുസ്​ലിം ലീഗും സഖ്യമുണ്ടായിട്ടുണ്ടെന്ന്​ ബി.ജെ.പി നേതാവ്​ ഒ. രാജഗോപാൽ. നേതൃത്വത്തി​ന്റെ  അനുമതിയോടെയായിരുന്നു സഖ്യമെന്നും വടക്കൻ കേരളത്തിലായിരുന്നു ഇത്തരം കൂ​ട്ടുകെ​ട്ടെന്നും അദ്ദേഹം കോഴിക്കോട്ട്​ പറഞ്ഞു.[www.malabarflash.com]

ഈ സഖ്യം ബി.ജെ.പിക്ക്​ നേട്ടമായി. മഞ്ചേശ്വരത്തും ഒറ്റപ്പാലത്തും ബി.ജെ.പിയുടെ വോട്ട്​ കൂടി. പ്രായോഗിക രാഷ്​ട്രീയത്തിൽ ഇത്തരം ഒത്തുതീർപ്പുകൾ വേണ്ടി വരുമെന്നും രാജഗോപാൽ പറഞ്ഞു. 

കമ്മ്യൂണിസ്​റ്റുകാരെ തോൽപ്പിക്കാൻ വോട്ട്​ ചെയ്യുന്ന കാലം പണ്ടുണ്ടായിരുന്നു. ഏതായാലും ജയിക്കാൻ പോണില്ല. പിന്നെ എന്തിനാ വോട്ടുകളയണേ എന്ന ചിന്തയായിരുന്നു അന്ന്​. 

ദേശീയതലത്തില്‍ കോണ്‍ഗ്രസാണ്. കേരളത്തില്‍ മുഖ്യ എതിരാളി സി.പി.എമ്മാണ്. മിക്കവാറും എല്ലാ മണ്ഡലങ്ങളിലും ത്രികോണ പോരാട്ടമുണ്ടാകും. ബി.ജെ.പി വളര്‍ന്നു. സ്വന്തം കാലിൽ നിൽക്കാൻ പ്രാപ്​തമായെന്നും രാജഗോപാൽ അവകാശപ്പെട്ടു. 

സി.പി.എമ്മും ബി.ജെ.പിയും തമ്മിൽ 'ഡീൽ' ഉണ്ടെന്ന ആർ.എസ്​.എസ്​ സൈദ്ധാന്തികൻ ആർ. ബലാശങ്കറിന്റെ ആരോപണം രാജഗോപാൽ നിഷേധിച്ചു. താൻ ജയിച്ച നേമത്ത്​ മുരളീധരൻ കരുത്തനായ സ്​ഥാനാർഥിയാണ്​. കരുണാകരന്റെ പാരമ്പര്യമുള്ള മുരളീധരന്​ ജനങ്ങളുടെ അംഗീകാരമുണ്ടെന്നും രാജഗോപാൽ പറഞ്ഞു.