ഫലമറിയാൻ ഇനി മണിക്കൂറുകൾ മാത്രം; എ​ട്ട​​ര​യോ​ടെ ഫ​ല​സൂ​ച​ന, വി​ജ​യാ​ഹ്ളാ​ദ പ്രകടനങ്ങള്‍ക്ക് വിലക്ക്‌

തി​രു​വ​ന​ന്ത​പു​രം: നിർണായകമായ നിയമസഭ തെരഞ്ഞെടുപ്പിന്‍റെ ഫലമറിയാൻ ഇനി മണിക്കൂറുകൾ മാത്രം. ഒ​രു മാ​സ​ത്തോ​ളം നീ​ണ്ട കാ​ത്തി​രി​പ്പി​ന്​ വി​രാ​മ​മി​ട്ടാണ് വോട്ടുകൾ എണ്ണിത്തുടങ്ങുക. ഭ​ര​ണ​തു​ട​ർ​ച്ച​യെ​ന്ന്​ ഇ​ട​തും ഭ​ര​ണ​മാ​റ്റ​മെ​ന്ന്​ യു.​ഡി.​എ​ഫും തി​ക​ഞ്ഞ ആ​ത്മ​വി​ശ്വ​സ​ത്തി​ലാ​ണ്. വ​ൻ പ്ര​തീ​ക്ഷ​യി​ലാ​ണ്​ ബി.​ജെ.​പി​യും.[www.malabarflash.com]

എ​ക്​​സി​റ്റ്​ പോ​ളു​ക​ൾ ഇ​ട​തിന്റെ ആ​ത്മ​വി​ശ്വാ​സം കൂ​ട്ടി​യി​ട്ടു​ണ്ട്. സ​ർ​വേ​ക​ൾ ത​ള്ളു​ന്ന യു.​ഡി.​എ​ഫ്​ ഭ​ര​ണ​മാ​റ്റം വ​രു​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ്. രാ​വി​ലെ എ​ട്ടി​ന്​ വോട്ടെ​ണ്ണ​ൽ ആ​രം​ഭി​ക്കും. ആ​ദ്യം ത​പാ​ൽ ബാ​ല​റ്റു​ക​ളും എ​ട്ട​ര​യോ​ടെ യ​ന്ത്ര​ങ്ങ​ളി​ലെ വോ​ട്ടും എ​ണ്ണി​ത്തു​ട​ങ്ങും. കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ച്ചാ​കും​ എ​ണ്ണ​ൽ. എ​ട്ട​​ര​യോ​ടെ ഫ​ല​സൂ​ച​ന ല​ഭി​ച്ചു​തു​ട​ങ്ങും. ത​പാ​ൽ വോ​ട്ട്​ കൂ​ടു​ത​ലു​ള്ള​തി​നാ​ൽ അ​ന്തി​മ ഫ​ലം വൈ​കി​യേ​ക്കും. ഫ​ല​പ്ര​ഖ്യാ​പ​ന​ത്തി​ന്​ പി​ന്നാ​ലെ പു​തി​യ സ​ർ​ക്കാ​ർ രൂ​പ​വ​ത്​​ക​ര​ണ ച​ർ​ച്ച​ക​ളും ആ​രം​ഭി​ക്കും.

കോ​വി​ഡ്​ സാ​ഹ​ച​ര്യ​ത്തി​ൽ വി​ജ​യാ​ഹ്ലാ​ദ പ്ര​ക​ട​ന​ങ്ങ​ൾ വി​ല​ക്കി. പോ​ലീ​സ്​ ക​ന​ത്ത സു​ര​ക്ഷാ സം​വി​ധാ​ന​ങ്ങ​ളൊ​രു​ക്കി. വോട്ടെ​ണ്ണു​ന്ന ഹാ​ളു​ക​ളു​ടെ​യും മേ​ശ​ക​ളു​ടെ​യും എ​ണ്ണം വ​ർ​ധി​പ്പി​ച്ചു. 633 ഹാ​ൾ സ​ജ്ജ​മാ​യി. ഒ​രു ഹാ​ളി​ൽ 14 ടേ​ബി​ൾ എ​ന്ന​ത്​ ഏ​ഴാ​ക്കി കു​റ​ച്ചു. 527 ഹാ​ളി​ൽ യ​ന്ത്ര​വോ​ട്ടും 106 ൽ ​ത​പാ​ൽ ബാ​ല​റ്റും എ​ണ്ണും. കാ​ൽ ല​ക്ഷം ജീ​വ​ന​ക്കാ​രെ​യാ​ണ്​ എ​ണ്ണ​ലി​നാ​യി നി​യോ​ഗി​ച്ച​ത്. ഉ​ദ്യോ​ഗ​സ്ഥ​ർ​ക്കും സ്ഥാ​നാ​ർ​ഥി​ക​ൾ​ക്കും ഏ​ജ​ൻ​റു​മാ​ർ​ക്കും കോ​വി​ഡ്​ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റ്​ നി​ർ​ബ​ന്ധ​മാ​ണ്.

നാ​ല​ര​ല​ക്ഷ​ത്തി​ലേ​റെ ത​പാ​ൽ ബാ​ല​റ്റാ​ണ്​ ഇ​ക്കു​റി. 140 മ​ണ്ഡ​ല​ങ്ങ​ളി​ലാ​യി 957 സ്ഥാ​നാ​ർ​ഥി​ക​ളാ​ണ്​ ഉ​ണ്ടാ​യി​രു​ന്ന​ത്. ഏ​പ്രി​ൽ ആ​റി​ന്​ ന​ട​ന്ന വോട്ടെ​ടു​പ്പി​ൽ 74.06 ആ​ണ്​ പോ​ളി​ങ്​ ശ​ത​മാ​നം. 2.74 കോ​ടി വോ​ട്ട​ർ​മാ​രി​ൽ 2.03 കോ​ടി പേ​രാ​ണ്​ സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ച​ത്.

തെ​ര​ഞ്ഞെ​ടു​പ്പ്​ ഫ​ല​സൂ​ച​ന​ക​ൾ മാ​ധ്യ​മ​ങ്ങ​ൾ​ക്ക്​ ന​ൽ​കി​യി​രു​ന്ന സം​വി​ധാ​നം ഇ​ക്കു​റി​യി​ല്ല. ക​മീ​ഷന്റെ വെ​ബ്‌​സൈ​റ്റാ​യ https://results.eci.gov.in/ ൽ ​വോ​ട്ടെ​ണ്ണ​ൽ പു​രോ​ഗ​മി​ക്കു​ന്ന​തി​ന​നു​സ​രി​ച്ച് ഫ​ലം ല​ഭ്യ​മാ​കും. 'വോ​ട്ട​ർ ഹെ​ൽ​പ്‌​ലൈ​ൻ ആ​പ്പി'​ലൂ​ടെ​യും ഫ​ല​മ​റി​യാം. 

ഫ​ലം കൃ​ത്യ​സ​മ​യ​ത്തു​ത​ന്നെ എ​ത്തു​മെ​ന്ന്​ മു​ഖ്യ​തെ​ര​ഞ്ഞെ​ടു​പ്പ്​ ഓഫി​സ​ർ ടി​ക്ക​റാം മീ​ണ അ​റി​യി​ച്ചു. ത​പാ​ൽ വോ​ട്ടി​ൽ ത​ർ​ക്കം പ്ര​തീ​ക്ഷി​ക്കു​ന്നി​ല്ല. ജീ​വ​ന​ക്കാ​ർ​ക്ക്​ ആ​വ​ശ്യ​മാ​യ പ​രി​ശീ​ല​നം ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.