എന്‍.എ നെല്ലിക്കുന്നിന് മൂന്നാം അങ്കത്തിലും മിന്നും ജയം

കാസര്‍കോട്: കാസര്‍കോട് നിയോജക മണ്ഡലം യു.ഡി.എഫ് സ്ഥാനാര്‍ത്ഥിയായി മത്സരിച്ച എന്‍.എ നെല്ലിക്കുന്നിന് മൂന്നാം അങ്കത്തിലും ലഭിച്ചത് തിളക്കമാര്‍ന്ന വിജയം. 13014 വോട്ടിന്റെ ഭൂരിപക്ഷത്തിനാണ് അദ്ദേഹം എന്‍.ഡി.എ സ്ഥാനാര്‍ത്ഥി അഡ്വ. കെ. ശ്രീകാന്തിനെ പരാജയപ്പെടുത്തിയത്. 

എല്‍.ഡി.എഫ് സ്ഥാനാര്‍ത്ഥി എം.എ ലത്തീഫ് മൂന്നാംസ്ഥാനത്തേക്ക് പിന്തള്ളപ്പെട്ടു.[www.malabarflash.com]

2011ല്‍ ഇതേ മണ്ഡലത്തില്‍ മത്സരിച്ച എന്‍.എ നെല്ലിക്കുന്നിന് 9000ല്‍പരം വോട്ടുകളുടെ ഭൂരിപക്ഷമാണ് ലഭിച്ചിരുന്നത്. 2016ല്‍ രണ്ടാം അങ്കണത്തിന് ഇറങ്ങിയപ്പോള്‍ 8000ല്‍പരം വോട്ടുകളുടെ ഭൂരിപക്ഷം അദ്ദേഹത്തിന് ലഭിച്ചു. 

രണ്ടുതവണയും ലഭിച്ച ഭൂരിപക്ഷങ്ങളേയും മറികടന്ന് തിളക്കമാര്‍ന്ന ഭൂരിപക്ഷമാണ് മൂന്നാംതവണ അദ്ദേഹത്തിന് ലഭിച്ചത്.