നാലുവർഷമായി രണ്ടുപേരോടും പ്രണയം; ഒടുവിൽ ഒരേ പന്തലിൽ രണ്ടു പെൺകുട്ടികളെ താലിക്കെട്ടി യുവാവ്​

ഹൈദരാബാദ്​: പ്രണയിച്ച രണ്ടു പേരെയും ഒരേ പന്തലിൽ താലിക്കെട്ടി യുവാവ്​. തെലങ്കാനയിലെ ഖാൻപുർ ​ഗ്രാമത്തിലാണ്​ സംഭവം. ഗോത്ര വിഭാഗക്കാരനായ അർജുൻ ഒരേ സമയം രണ്ടു​പെൺകുട്ടികളെ പ്രണയിച്ചിരുന്നു. ഒരാളെ മാത്രം വിവാഹം കഴിക്കാൻ തെരഞ്ഞെടുക്കുകയെന്നത്​ പ്രയാസമായതോടെ രണ്ടു പെൺകുട്ടികളെയും ഒരേ പന്തലിൽവെച്ച്​ വിവാഹം കഴിക്കാൻ അർജുൻ തീരുമാനിക്കുകയായിരുന്നു.[www.malabarflash.com]

ഉഷാറാണി, സുരേഖ എന്നീ പെൺകുട്ടികൾ വിവാഹത്തിന്​ സമ്മതം അറിയിക്കുകയും ചെയ്​തു. കഴിഞ്ഞദിവസമായിരുന്നു മൂന്നുപേ​രുടെയും വിവാഹം. വിവാഹത്തിന്‍റെ ചിത്രങ്ങൾ സമൂഹമാധ്യമങ്ങളിൽ വൻതോതിൽ പ്രചരിച്ചു.

നാലുവർഷമായി രണ്ടു പെൺകുട്ടികളുമായി അർജുൻ പ്രണയത്തിലായിരുന്നു. സമുദായത്തിൻറെ സമ്മതം വാങ്ങിയതിന്​ ശേഷമായിരുന്നു വിവാഹം. 'രണ്ടു പെൺകുട്ടികളും അവനെ വിവാഹം കഴിക്കാൻ ആഗ്രഹിച്ചു. ഒരേ പുരുഷന്​ ഭാര്യമാരാകാൻ ഇരുവർക്കും സമ്മതമായിരുന്നു. ഗോത്ര വിഭാഗത്തിൽ ബഹുഭാര്യാത്വം അനുവദിക്കുകയും ചെയ്യുന്നുണ്ട്​' -ഗോത്ര വിഭാഗം നേതാവ്​ പറഞ്ഞു.