'കേന്ദ്രമന്ത്രിക്കും കുറച്ച്​ പരിസരബോധമാകാം, ഏത് കോടതിയാണ് എന്നെ ശിക്ഷിച്ചത്'; വി.മുരളീധരനോട്​ അബ്​ദുന്നാസിർ മഅ്​ദനി

ബാംഗ്ലൂർ: കേന്ദ്രമന്ത്രി വി.മുരളീധരന്റെ തന്നെക്കുറിച്ചുള്ള തെറ്റായ പരാമർത്തിനെതിരേ അബ്​ദുന്നാസിർ മഅ്​ദനി. കോടതി ശിക്ഷിച്ച പ്രതിയാണ്​ അബ്​ദുന്നാസിർ മഅ്​ദനിയെന്ന മുരളീധരന്റെ  പരാമർശത്തിനെതിരായാണ്​ അദ്ദേഹം സമൂഹമാധ്യമത്തിൽ പ്രതിഷേധിച്ചത്​.[www.malabarflash.com] 

ഏത്​ കോടതിയാണ്​ തന്നെ ശിക്ഷിച്ചതെന്നും എപ്പോഴായിരുന്നു അതെന്നും മഅ്​ദനി ഫേസ്​ബുക്കിൽ ചോദിച്ചു. 'കേന്ദ്രമന്ത്രിക്കും കുറച്ച്​ പരിസരബോധവും നിയമവിവരവുമൊക്കെ ആകാവുന്നതാണ്​. വല്ലപ്പോഴുമൊക്കെ സത്യവും പറഞ്ഞു ശീലിക്കുന്നത് നല്ലതാണ്. മാന്യന്മാരൊക്കെ ഇരിന്നിട്ടുള്ള പദവിയോട് അൽപ്പമെങ്കിലും നീതി കാട്ടലാകാമല്ലോ'-അദ്ദേഹം കുറിച്ചു.

അബ്​ദുന്നാസിര്‍ മഅ്ദനിയെ തെളിവിന്റെ അടിസ്ഥാനത്തില്‍ ഇന്ത്യയിലെ നീതിന്യായ കോടതി ശിക്ഷിച്ചിരുന്നെന്നും, ആ ശിക്ഷിച്ച ആളുകളെ തുറന്നു വിടണം എന്നാവശ്യപ്പെട്ട് കേരള നിയമസഭ പ്രമേയം പാസാക്കിയിരുന്നു എന്നുമാണ് മുരളീധരന്‍ പറഞ്ഞത്. പ്രഗ്യാസിങ്​ ഠാക്കൂറുമായി ബന്ധപ്പെട്ട ചോദ്യം മാധ്യമപ്രവർത്തകർ ചോദിച്ചപ്പോഴായിരുന്നു മുരളീധരന്റെ തെറ്റായ ആരോപണം.

'കേന്ദ്രമന്ത്രിക്കും കുറച്ചു പരിസരബോധവും നിയമവിവരവുമൊക്കെ ആകാവുന്നതാണ്. ഏത് കോടതിയാണ് ശിക്ഷിച്ചത്? എപ്പോഴായിരുന്നു അത് ? വല്ലപ്പോഴുമൊക്കെ സത്യവും പറഞ്ഞു ശീലിക്കുന്നത് നല്ലതാണ്.മാന്യന്മാരൊക്കെ ഇരിന്നിട്ടുള്ള പദവിയോട് അൽപ്പമെങ്കിലും നീതി കാട്ടലാകാമല്ലോ'-മഅ്​ദനി ഫേസ്​ബുക്കിൽ എഴുതി.