ചെമ്മനാട് ജമാഅത്ത് ഹയര്‍ സെക്കണ്ടറി സ്‌കൂളിലെ വിദ്യാര്‍ഥിനികളായ രണ്ട് പെണ്‍കുട്ടികള്‍ തിങ്കളാഴ്ച രാവിലെയാണ് ഓട്ടോയില്‍ നിന്ന് ചാടിയത്. പരിക്കേറ്റ വിദ്യാര്‍ഥിനികള്‍ ആശുപത്രിയില്‍ ചികിത്സയിലാണ്. പരീക്ഷയെഴുതുന്നതിനായി സ്‌കൂളില്‍ പോകാന്‍ രണ്ട് പെണ്‍കുട്ടികളും കാസര്‍കോട് പഴയ പ്രസ് ക്ലബ്ബ് ജംഗ്ഷനില്‍ നിന്നാണ് ഓട്ടോയില്‍ കയറിയത്.
ചെമ്മനാട് സ്‌കൂളിനടുത്ത് എത്തിയിട്ടും ഓട്ടോറിക്ഷ നിര്‍ത്താതിരുന്നതിനെ തുടര്‍ന്ന് പെണ്‍കുട്ടികള്‍ ഭയക്കുകയും ആദ്യം ഒരു വിദ്യാര്‍ഥിനി ചാടുകയുമായിരുന്നു. ശബ്ദം കേട്ട് ഡ്രൈവര്‍ വണ്ടി നിര്‍ത്താന്‍ ശ്രമിക്കുന്നതിനിടെ രണ്ടാമത്തെ പെണ്‍കുട്ടിയും ചാടി. ഇതിനിടെ വണ്ടി നിര്‍ത്തി. ആളുകള്‍ ഓടിക്കൂടി വിദ്യാര്‍ഥിനികളെ ആശുപത്രിയിലെത്തിക്കുകയായിരുന്നു.
വിവരമറിഞ്ഞെത്തിയ കാസര്‍കോട് ടൗണ്‍ പോലീസ് ഓട്ടോ ഡ്രൈവറെ കസ്റ്റഡിയിലെടുത്തു. സംഭവം നടന്നത് മേല്‍പ്പറമ്പ് പോലീസ് സ്റ്റേഷന്‍ പരിധിയിലായതിനാല്‍ സി.ഐ ടി. ഉത്തംദാസിന്റെ നേതൃത്വത്തിലുള്ള പോലീസ് ഉദ്യോഗസ്ഥര്‍ ആസ്പത്രിയിലെത്തി പെണ്‍കുട്ടികളുടെ മൊഴി രേഖപ്പെടുത്തി. ഓട്ടോ ഡ്രൈവര്‍ തങ്ങളെ തട്ടിക്കൊണ്ടുപോകാന്‍ ശ്രമം നടത്തിയതായി സംശയിക്കുന്നുവെന്നായിരുന്നു പെണ്‍കുട്ടികളുടെ മൊഴി. ഈ മൊഴിയുടെ അടിസ്ഥാനത്തിലാണ് മേല്‍പ്പറമ്പ് പോലീസ് കേസെടുത്തത്.
ചെമ്മനാട് സ്‌കൂളിനടുത്ത് എത്തിയിട്ടും ഓട്ടോറിക്ഷ നിര്‍ത്താതിരുന്നതിനെ തുടര്‍ന്ന് പെണ്‍കുട്ടികള്‍ ഭയക്കുകയും ആദ്യം ഒരു വിദ്യാര്‍ഥിനി ചാടുകയുമായിരുന്നു. ശബ്ദം കേട്ട് ഡ്രൈവര്‍ വണ്ടി നിര്‍ത്താന്‍ ശ്രമിക്കുന്നതിനിടെ രണ്ടാമത്തെ പെണ്‍കുട്ടിയും ചാടി. ഇതിനിടെ വണ്ടി നിര്‍ത്തി. ആളുകള്‍ ഓടിക്കൂടി വിദ്യാര്‍ഥിനികളെ ആശുപത്രിയിലെത്തിക്കുകയായിരുന്നു.
വിവരമറിഞ്ഞെത്തിയ കാസര്‍കോട് ടൗണ്‍ പോലീസ് ഓട്ടോ ഡ്രൈവറെ കസ്റ്റഡിയിലെടുത്തു. സംഭവം നടന്നത് മേല്‍പ്പറമ്പ് പോലീസ് സ്റ്റേഷന്‍ പരിധിയിലായതിനാല്‍ സി.ഐ ടി. ഉത്തംദാസിന്റെ നേതൃത്വത്തിലുള്ള പോലീസ് ഉദ്യോഗസ്ഥര്‍ ആസ്പത്രിയിലെത്തി പെണ്‍കുട്ടികളുടെ മൊഴി രേഖപ്പെടുത്തി. ഓട്ടോ ഡ്രൈവര്‍ തങ്ങളെ തട്ടിക്കൊണ്ടുപോകാന്‍ ശ്രമം നടത്തിയതായി സംശയിക്കുന്നുവെന്നായിരുന്നു പെണ്‍കുട്ടികളുടെ മൊഴി. ഈ മൊഴിയുടെ അടിസ്ഥാനത്തിലാണ് മേല്‍പ്പറമ്പ് പോലീസ് കേസെടുത്തത്.
എന്നാല്‍ പെണ്‍കുട്ടികളെ തട്ടിക്കൊണ്ടുപോകാന്‍ ശ്രമിച്ചിട്ടില്ലെന്നും കോവിഡ് പ്രതിരോധത്തിന്റെ ഭാഗമായി ഓട്ടോറിക്ഷയില്‍ ഫൈബര്‍ ഷീല്‍ഡ് ഘടിപ്പിച്ചതിനാല്‍ ചെമ്മനാട് എത്തിയപ്പോള്‍ ഓട്ടോ നിര്‍ത്താന്‍ ആവശ്യപ്പെട്ടത് കേട്ടില്ലെന്നുമാണ് ഡ്രൈവര്‍ പോലീസിന് മൊഴി നല്‍കിയത്. മേല്‍പറമ്പിലാണ് കുട്ടികള്‍ക്ക് ഇറങ്ങേണ്ടതെന്നാണ് താന്‍ കരുതിയതെന്നും ഡ്രൈവര്‍ പറയുന്നു.
ഏത് സാഹചര്യത്തിലാണ് പെണ്‍കുട്ടികള്‍ ഓട്ടോറിക്ഷയില്‍ നിന്ന് ചാടിയതെന്നതുസംബന്ധിച്ച് കൂടുതല്‍ അന്വേഷണം നടക്കുകയാണെന്ന് പോലീസ് പറഞ്ഞു.
ഏത് സാഹചര്യത്തിലാണ് പെണ്‍കുട്ടികള്‍ ഓട്ടോറിക്ഷയില്‍ നിന്ന് ചാടിയതെന്നതുസംബന്ധിച്ച് കൂടുതല്‍ അന്വേഷണം നടക്കുകയാണെന്ന് പോലീസ് പറഞ്ഞു.
0 Comments