ബേക്കലില്‍ ബൈക്ക് വൈദ്യുതി പോസ്റ്റിലിടിച്ച് വിദ്യാര്‍ത്ഥി മരിച്ചു

ബേക്കല്‍: ബൈക്ക് വൈദ്യുതി പോസ്റ്റിലിടിച്ച് വിദ്യാര്‍ത്ഥി മരിച്ചു. ബേക്കല്‍ ഹദ്ദാദ് നഗറിലെ സിപിഐഎം നേതാവ് ഹാരിസിന്റെ മകന്‍ എം.എച്ച് ഇര്‍ഫാന്‍ (20) ആണ് മരിച്ചത്.[www.malabarflash.com]

തിങ്കളാഴ്ച ഉച്ചക്ക് ബേക്കല്‍ ഹദ്ദാദ് നഗര്‍ സ്റ്റോര്‍ ജംഗ്ഷനിലാണ് അപകടം. മറ്റൊരു വാഹനത്തെ വെട്ടിക്കുന്നതിനിടെ പോസ്റ്റിലിടിക്കുകയായിരുന്നു. ഗുരുതരമായി പരിക്കേററ ഇര്‍ഫാനെ ഉടന്‍ ഉദുമയിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല

മാതാവ്: സറീന, സഹോദരങ്ങള്‍: ഫിനാസ്, ഇഹ്‌സാന്‍, ഇസാല.