ഫീ​സി​ന​ത്തി​ൽ വാ​ങ്ങി​യ 2.70 കോ​ടി രൂ​പ മ​ത​സ്ഥാ​പ​ന​ങ്ങ​ളി​ലേ​ക്ക് വ​ക​മാ​റ്റി​; ജബൽപുരിൽ ബിഷപ് അറസ്റ്റിൽ​

ജ​ബ​ൽ​പു​ർ: സാ​മ്പ​ത്തി​ക ക്ര​മ​ക്കേ​ട് ന​ട​ത്തി​യെ​ന്ന കേ​സി​ൽ ച​ർ​ച്ച് ഓ​ഫ് നോ​ർ​ത്ത് ഇ​ന്ത്യ​യു​ടെ ജ​ബ​ൽ​പു​ർ രൂ​പ​ത ബി​ഷ​പ് പി.​സി. സി​ങ്ങി​നെ മ​ധ്യ​പ്ര​ദേ​ശ് പൊ​ലീ​സ് അ​റ​സ്റ്റ്ചെ​യ്തു. തി​ങ്ക​ളാ​ഴ്ച വി​ദേ​ശ​ത്തു​നി​ന്നെ​ത്തി​യ ബി​ഷ​പ്പി​നെ മ​ഹാ​രാ​ഷ്ട്ര​യി​ലെ നാ​ഗ്പു​ർ വി​മാ​ന​ത്താ​വ​ള​ത്തി​ൽ നി​ന്ന് മ​ധ്യ​പ്ര​ദേ​ശ് പോ​ലീ​സി​​​ന്റെ സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗം ചോ​ദ്യം​ചെ​യ്യാ​ൻ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.[www.malabarflash.com]

വ്യാ​ഴാ​ഴ്ച ഇ​ദ്ദേ​ഹ​ത്തി​ന്റെ ജ​ബ​ൽ​പു​രി​ലെ വ​സ​തി​യി​ൽ ന​ട​ത്തി​യ പ​രി​ശോ​ധ​ന​യി​ൽ 1.60 കോ​ടി​യു​ടെ ഇ​ന്ത്യ​ൻ, വി​ദേ​ശ ക​റ​ൻ​സി​ക​ൾ പി​ടി​ച്ചെ​ടു​ത്ത​താ​യി പോ​ലീ​സ് പ​റ​ഞ്ഞു. ഈ ​സ​മ​യം ബി​ഷ​പ് ജ​ർ​മ​നി​യി​ലാ​യി​രു​ന്നു.

വി​ദ്യാ​ഭ്യാ​സ സൊ​സൈ​റ്റി​യു​ടെ ചെ​യ​ർ​മാ​നാ​യി​രി​ക്കെ സാ​മ്പ​ത്തി​ക ക്ര​മ​ക്കേ​ട് ന​ട​ത്തി​യെ​ന്ന പ​രാ​തി​യി​ൽ ക​ഴി​ഞ്ഞ മാ​സ​മാ​ണ് ബി​ഷ​പ്പി​നെ​തി​രെ കേ​സെ​ടു​ത്ത​ത്. സൊ​സൈ​റ്റി​യു​ടെ കീ​ഴി​ലു​ള്ള വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ വി​ദ്യാ​ർ​ഥി​ക​ളി​ൽ നി​ന്ന് 2004-05ലും 2011-12​ലും ഫീ​സി​ന​ത്തി​ൽ വാ​ങ്ങി​യ 2.70 കോ​ടി രൂ​പ മ​ത​സ്ഥാ​പ​ന​ങ്ങ​ളി​ലേ​ക്ക് വ​ക​മാ​റ്റി​യെ​ന്നും ദു​രു​പ​യോ​ഗം ചെ​യ്തെ​ന്നും വ്യ​ക്തി​പ​ര​മാ​യ ആ​വ​ശ്യ​ങ്ങ​ൾ​ക്ക് വി​നി​യോ​ഗി​ച്ചെ​ന്നും പ്രാ​ഥ​മി​കാ​ന്വേ​ഷ​ണ​ത്തി​ൽ ക​ണ്ടെ​ത്തി​യ​താ​യി പോ​ലീ​സ് പ​റ​ഞ്ഞു. 

സൊ​സൈ​റ്റി​യു​ടെ മു​ൻ അ​സി.​ര​ജി​സ്ട്രാ​ർ ബി.​എ​സ്. സോ​ള​ങ്കി​ക്കെ​തി​രെ​യും കേ​സെ​ടു​ത്തി​രു​ന്നു. പ​ണം മ​ത​പ​രി​വ​ർ​ത്ത​ന​ത്തി​നോ നി​യ​മ​വി​രു​ദ്ധ പ്ര​വ​ർ​ത്ത​ന​ത്തി​നോ വി​നി​യോ​ഗി​ച്ചി​ട്ടു​ണ്ടോ എ​ന്ന് അ​ന്വേ​ഷി​ക്കു​മെ​ന്ന് മ​ധ്യ​പ്ര​ദേ​ശ് മു​ഖ്യ​മ​ന്ത്രി ശി​വ് രാ​ജ് സി​ങ് ചൗ​ഹാ​ൻ വെ​ള്ളി​യാ​ഴ്ച പ​റ​ഞ്ഞി​രു​ന്നു.