തൃക്കണ്ണാട് ജിയോ ബാഗ് കടൽ ഭിത്തി നിർമാണം പൂര്‍ത്തിയായി

പാലക്കുന്ന്:  ജിയോ ബാഗ് ഉപയോഗിച്ച് തൃക്കണ്ണാട് കടപ്പുറത്ത് 60 മീറ്റർ  കടൽ ഭിത്തി നിർമിച്ചു. സംസ്ഥാന ജലസേചന വകുപ്പ് 20 ലക്ഷം രൂപ മുടക്കിയാണ് നിർമിച്ചത്.1400 ലധികം ബാഗുകളാണ് തൃക്കണ്ണാട് സ്ഥാപിച്ചിരിക്കുന്നത്.[www.malabarflash.com]

തൃയംബകേശ്വര ക്ഷേത്രത്തിന് മുന്നിലെ കടപ്പുറത്ത്  ആറാട്ടുത്സവ നാളിൽ ദേവന്മാർക്ക് വിശ്രമിക്കാൻ നിര്‍മിച്ച മണ്ഡപം  സംരക്ഷിക്കും വിധമാണ് ഭിത്തിയൊരുക്കിയത്.  ഭൂനിരപ്പിൽ നിന്ന് 1.70 മീറ്റർ ഉയരമുണ്ട്. 

ഇവിടയാണ് സാധാരണയായി  തര്‍പ്പണം കഴിഞ്ഞ് പിണ്ഡം ബലികാക്കയ്ക്ക് വയ്ക്കുന്നത്. പ്രായമായവര്‍ക്ക് ഈ ഉയരം ചെറിയ വിഷമം ഉണ്ടാക്കുമെങ്കിലും മണ്ഡപമടക്കമുള്ള പ്രദേശം സംരക്ഷിക്കപ്പെടുമെന്ന ആശ്വാസത്തിലാണ് പരിസരവാസികള്‍.മണൽ യന്ത്ര സഹായത്താല്‍  പ്രത്യേക തരം ബാഗിൽ നിറച്ച് തുന്നി അടുക്കിയാണ്

ഭിത്തി നിർമിച്ചത്.കുത്തികീറാതെയും തീ സൂക്ഷിക്കുകയും ചെയ്താല്‍ പരമാവധി ഏഴ് വര്‍ഷം ഇത്തരം ഭിത്തികള്‍ക്ക് ആയസ്സുണ്ടാകുമെന്ന് വിദഗ്ധര്‍ പറഞ്ഞു.