കാണാതായ കാപ്പിത്തോട്ടം മാനേജർ തടാകത്തിൽ മരിച്ച നിലയിൽ

മംഗളൂരു: രണ്ടു ദിവസം മുമ്പ് കാണാതായ ചിക്കമംഗളൂരു എൻ.ആർ പുരം ബലെഹൊന്നൂർ ഖാൻ ഗുഡ്ഡ കാപ്പിത്തോട്ടം മാനജർ തടാകത്തിൽ മരിച്ച നിലയിൽ കണ്ടെത്തി.കുടക് ഷെട്ടിഗെരി സ്വദേശി കാശി ബോപ്പയ്യ(52) ആണ് മരിച്ചത്.[www.malabarflash.com]

പൊടുന്നനെ അപ്രത്യക്ഷനായ ബോപ്പയ്യക്കായി തിരച്ചൽ നടക്കുന്നതിനിടെയാണ് വ്യാഴാഴ്ച വൈകുന്നേരം കാപ്പിത്തോട്ടം പരിസരത്തെ തടാകത്തിൽ മൃതദേഹം കണ്ടെത്തിയത്. 

ബോപ്പയ്യ ഉപയോഗിക്കുന്ന ജീപ്പ്, പേഴ്സ്, പാദരക്ഷകൾ എന്നിവ തടാകത്തിനടുത്തുണ്ടായിരുന്നു. ബാലെഹൊന്നൂർ പോലീസ് കേസ് റജിസ്റ്റർ ചെയ്ത് അന്വേഷിക്കുന്നു.