ഭര്‍ത്താവിന്റെയും മകന്റെയും അറസ്റ്ററിഞ്ഞ് യുവതി ജീവനൊടുക്കി; ഹൃദയാഘാതത്തില്‍ ഭര്‍ത്താവും മരിച്ചു

ബംഗളൂരു: മൈസൂരു ജില്ലയിലെ മൻഡി പോലീസ് സ്റ്റേഷൻ പരിധിയിൽ യുവതി വീട്ടിൽ തൂങ്ങിമരിച്ച നിലയിൽ കണ്ടെത്തി.ഈ വിവര അറിഞ്ഞ് ഭർത്താവ് ഹൃദയാഘാതത്തിൽ മരിച്ചു.[www.malabarflash.com]

മൈസൂറു വിദ്യാനഗർ പരിസരത്ത് താമസിക്കുന്ന കെ.എൻ.സാമ്രാട്ടിന്റെ(42) ഭാര്യ ഇന്ദ്രാണിയാണ്(38) മരിച്ചത്.സാമ്രാട്ടിനേയും മകൻ തേജസിനേയും(18) വിദ്യാനഗറിലെ ബലരാജ് കൊല്ലപ്പെട്ട കേസിൽ മറ്റു പ്രതികളോടൊപ്പം നാലു ദിവസം മുമ്പ് അറസ്റ്റ് ചെയ്തിരുന്നു.

ഇരുവരും റിമാൻഡിലാണ്.ഇതേത്തുടർന്ന് മാനസികമായി തകർന്ന ഇന്ദ്രാണി ജീവനൊടുക്കി എന്നാണ് പൊലീസി​​െൻറ പ്രാഥമിക നിഗമനം. ഭാര്യയുടെ മരണം അറിഞ്ഞയുടൻ ഹൃദയാഘാതത്തെത്തുടർന്ന് ജയിലിൽ കുഴഞ്ഞു വീണ സാമ്രാട്ട് മരിക്കുകയായിരുന്നു.