ബസും സ്കൂട്ടറും കൂട്ടിയിടിച്ച് വിദ്യാർഥിനിയടക്കം രണ്ടുപേർക്ക് ദാരുണാന്ത്യം

കോഴിക്കോട്: ഗാന്ധിറോഡ് മേൽപാലത്തിൽ ബസും സ്കൂട്ടറും കൂട്ടിയിടിച്ച് സ്കൂട്ടർ യാത്രികരായ രണ്ടുപേർക്ക് ദാരുണാന്ത്യം. കോഴിക്കോട് കുണ്ടുങ്ങൽ സ്വദേശി മെഹഫുദ് സുൽത്താൻ (20), നോര്‍ത്ത് ബേപ്പൂര്‍ നടുവട്ടം മാഹി നജ്മത്ത് മൻസിലിൽ മജ്റൂഹിന്റെ മകൾ കെ.പി. നൂറുൽ ഹാദി (20) എന്നിവരാണ് മരിച്ചത്.[www.malabarflash.com] 

വെള്ളിമാടുകുന്ന് ജെ.ഡി.ടി ആർട്സ് ആൻഡ് സയൻസ് കോളജ് മൂന്നാംവര്‍ഷ ബി.എ. ഇക്കണോമിക്‌സ് വിദ്യാർഥിനിയാണ് നൂറുൽ ഹാദി.

ബുധനാഴ്ച രാവിലെ ഒമ്പതര​യോടെയാണ് അപകടം. മുമ്പിലുണ്ടായിരുന്ന കാറിനെ മറികടക്കാൻ ​ശ്രമിക്കവെ ഇവർ സഞ്ചരിച്ച സ്കൂട്ടർ എതിരെ വന്ന സിറ്റി ബസിൽ ഇടിച്ചുകയറുകയായിരുന്നു. 

നടക്കാവ് പോലീസ് സ്ഥല​ത്തെത്തിയാണ് ഇരുവരുടെയും മൃതദേഹങ്ങൾ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റിയത്.