മധ്യപ്രദേശിലെ ശങ്കരാചാര്യ പ്രതിമ അനാവരണ ചടങ്ങിൽ പാലക്കുന്ന് ആദിശക്തിയുടെ യക്ഷഗാന സംഘവും

പാലക്കുന്ന്: മധ്യപ്രദേശിലെ ഓംകാരേശ്വറിൽ ശങ്കരാചര്യരുടെ പ്രതിമയുടെ അനാവരണ ചടങ്ങിന് മേനികൂട്ടാൻ പാലക്കുന്ന് ആദിശക്തി നാടൻ കലാ കേന്ദ്രത്തിന്റെ യക്ഷഗാന സംഘവും.[www.malabarflash.com]

ഫോക്ലോർ അവാർഡ് ജേതാവ് അരവത്തെ പുലി നാരായണൻ നയിച്ച സംഘത്തിൽ ജില്ലയുടെ വിവിധ ഭാഗങ്ങളിൽ നിന്ന് ഉദയകുമാർ, മഹേഷ്‌, വസന്തൻ, മധു രതീഷ് എന്നിവരും സഹായിയായി ജ്യോതി കുഞ്ഞിരാമനും 6 മണിക്കൂർ നീണ്ട യക്ഷഗാന നൃത്തം അവതരിപ്പിച്ച് കയ്യടി നേടി. 

കാസർകോട് നിന്ന് 13ന് പുറപ്പെട്ട സംഘം 24ന് തിരിച്ചെത്തും. കേരളത്തിൽ നിന്ന് ഫോക്ലോറിന്റെ നേതൃത്വത്തിൽ ആദിശക്തിക്ക് പുറമെ തെയ്യം, കഥകളി, പഞ്ചാവാദ്യ സംഘങ്ങളും ഉണ്ടായിരുന്നു.