കൂട്ടുകാരോടൊപ്പം കുളത്തിൽ കുളിക്കാനിറങ്ങിയ നാലാംക്ലാസ് വിദ്യാർത്ഥി മുങ്ങി മരിച്ചു

മലപ്പുറം: കൂട്ടുകാരോടൊപ്പം കുളത്തിൽ കുളിക്കാനിറങ്ങിയ നാലാംക്ലാസ് വിദ്യാർത്ഥി മുങ്ങി മരിച്ചു. കൊക്കറാമൂച്ചി വടക്കേതൊടി ഉമ്മറിന്റെ മകൻ കെ. അഹമ്മദ് കബീർ (10) ആണ് മരിച്ചത്.[www.malabarflash.com] 

ഉച്ചക്ക് മദ്രസ വിട്ട് കൂട്ടുകാരോടൊപ്പം ചീക്കോട് പഞ്ചായത്ത് കുളത്തിൽ കുളിക്കാനിറങ്ങിയതായിരുന്നു അഹമ്മദ് കബീർ. ഇതിനിടെയിലായിരുന്നു അപകടം. ഉടൻ തന്നെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 

കുട്ടിക്ക് നീന്തൽ അറിയില്ലെന്നാണ് വിവരം. ഒളവട്ടൂർ എ.എം.എൽ.പി സ്കൂൾ വിദ്യാർത്ഥിയാണ് കബീർ.