ബസ്സും ബൈക്കും കൂട്ടിയിടിച്ച് രണ്ട് വിദ്യാര്‍ഥികള്‍ മരിച്ചു

കോഴിക്കോട്: കല്ലായി വട്ടാംപൊയിൽ ബസ്സും ബൈക്കും കൂട്ടിയിടിച്ചുണ്ടായ അപകടത്തിൽ ബെക്ക്‌ യാത്രികരായ വിദ്യാർഥികൾ മരിച്ചു. കൊണ്ടോട്ടി കോടങ്ങാട് ഇളനീർക്കര നെച്ചിയിൽ കോച്ചാമ്പള്ളി അമീറലിയുടെയും- ഖദീജയുടെയും മകൻ മുഹമ്മദ് സാബിത്ത് (21), മഞ്ഞപ്പുലത്ത് മുഹമ്മദലിയുടെയും റസിയാബിയുടെയും മകൻ മുഹമ്മദ്‌ സിയാദ് (18) എന്നിവരാണ്‌ മരിച്ചത്‌.[www.malabarflash.com] 

ഞായർ വൈകിട്ട്‌ 5.45നാണ്‌ അപകടം. ഫറോക്കിൽ നിന്നും കോഴിക്കോട്ടേക്ക് സർവീസ് നടത്തുന്ന സിറ്റി ബസും ബൈക്കുമാണ്‌ കൂട്ടിയിടിച്ചത്‌. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. 

അയൽവാസികളാണ്‌ ഇരുവരും. ഓട്ടോ മൊബൈൽ കോഴ്സ് വിദ്യാർഥിയാണ് സാബിത്‌. സഹോദരങ്ങൾ: നിദ ഫാത്തിമ, ഷഹാൻ. വാഴക്കാട്‌ ഐടിഐ വിദ്യാർഥിയാണ്‌ സിയാദ്‌. സഹോദരങ്ങൾ: അഹമ്മദ്‌ ഹാദി, ഫാത്തിമ റിഫ.