കാസർകോട് - തിരുവനന്തപുരം വന്ദേഭാരത് ട്രെയിനിന് നേരെ കല്ലേറ്; ട്രെയിനിൻ്റെ ചില്ല് പൊട്ടി

ഉദുമ: കാസർകോട് നിന്നും തിരുവനന്തപുരത്തേക്ക് പോകുന്ന വന്ദേ ഭാരത് എക്സ്പ്രസിന് ( 20633) നേരെ ബേക്കൽ ഫോർട്ടിനും കാഞ്ഞങ്ങാടിനും ഇടയിൽ വച്ച് കല്ലേറുണ്ടായി.ബേക്കൽ പോലീസ് സ്റ്റേഷൻ പരിധിയിൽപ്പെട്ട തെക്ക് പുറംഭാഗത്ത് വെച്ചാണ് ഉച്ചയോടെ കല്ലേറുണ്ടായത്.[www.malabarflash.com]

കോച്ച് സി.10 ൻ്റെ ജനൽ ഗ്ലാസിന് തകരാർ സംഭവിച്ചു., എസ്.ഐ.പ്രകാശൻ എം വി , സീനിയർ സിവിൽ പോലീസ് ഓഫീസർമാരായ മഹേഷ്, , പ്രദീപ്, ജ്യോതിഷ്, റെയിൽവേ പ്രൊട്ടക്ഷൻ ഫോഴ്സ് എസ്.ഐ.കതിരേഷ് ബാബു, ആർ.പി.എഫ് .കോൺസ്റ്റബിൾ ശ്രീരാജ്എന്നിവരുടെ നേതൃത്വത്തിൽ സ്ഥലം സന്ദർശിച്ചു. 

വരും ദിവസങ്ങളിൽ ഈ പ്രദേശങ്ങൾ കേന്ദ്രീകരിച്ച് അന്വേഷണങ്ങൾ നടത്തുമെന്ന് പോലീസ് അറിയിച്ചു.