ട്രെയിനിന് കല്ലെറിഞ്ഞ് യാത്രക്കാരനെ വധിക്കാൻ ശ്രമിച്ച കേസിൽ പ്രതി അറസ്റ്റിൽ

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട്ട്​ ട്രെ​യി​നി​ന് ക​ല്ലെ​റി​ഞ്ഞ് യാ​ത്ര​ക്കാ​ര​നെ വ​ധി​ക്കാ​ൻ ശ്ര​മി​ച്ച കേ​സി​ൽ പ്ര​തി അ​റ​സ്റ്റി​ൽ. ചി​ത്താ​രി​യി​ലെ മു​ഹ​മ്മ​ദ് റി​യാ​സ് (31) ആ​ണ് പി​ടി​യി​ലാ​യ​ത്.[wwwmalabarflash.com]

ചൊ​വ്വാ​ഴ്ച ഉ​ച്ച​ക്ക് കാ​ഞ്ഞ​ങ്ങാ​ടു​നി​ന്ന്​ റെ​യി​ൽ​വേ പൊ​ലീ​സ് പ്ര​തി​യെ പി​ടി​കൂ​ടു​ക​യാ​യി​രു​ന്നു. മം​ഗ​ളൂ​രു​വി​ൽ​നി​ന്ന്​ ചെ​ന്നൈ​യി​ലേ​ക്ക് പോ​വു​ക​യാ​യി​രു​ന്നു വെ​സ്റ്റ് കോ​സ്റ്റ് എ​ക്സ്പ്ര​സ് ട്രെ​യി​ൻ ക​ഴി​ഞ്ഞ ദി​വ​സം പു​ല​ർ​ച്ചെ കാ​ഞ്ഞ​ങ്ങാ​ട്ട്​ എ​ത്തി​യ സ​മ​യ​ത്താ​ണ് ക​ല്ലേ​റു​ണ്ടാ​യ​ത്.

ട്രെ​യി​നി​ന്റെ പി​റ​കി​ലെ ജ​ന​റ​ൽ ക​മ്പാ​ർ​ട്ട്മെ​ന്റി​ൽ യാ​ത്ര ചെ​യ്യു​ക​യാ​യി​രു​ന്ന കൊ​ല്ലം ക​ണി​ച്ചു​കു​ള​ങ്ങ​ര​യി​ലെ മു​ര​ളീ​ധ​ര​ന് (63) ക​ല്ലേ​റി​ൽ ത​ല​ക്ക് ഗു​രു​ത​ര പ​രി​ക്കേ​റ്റി​രു​ന്നു. നീ​ലേ​ശ്വ​ര​ത്തെ ആ​ശു​പ​ത്രി​യി​ൽ ചി​കി​ത്സ തേ​ടി​യ മു​ര​ളീ​ധ​ര​ന്റെ പ​രാ​തി​യി​ൽ കാ​സ​ർ​കോ​ട് പോ​ലീ​സ് വ​ധ​ശ്ര​മ​ത്തി​നാ​ണ് കേ​സെ​ടു​ത്ത​ത്.

കാ​സ​ർ​കോ​ട് റെ​യി​ൽ​വേ ഇ​ൻ​സ്പെ​ക്ട​ർ റെ​ജി​കു​മാ​റി​ന്റെ നേ​തൃ​ത്വ​ത്തി​ൽ എ​സ്.​ഐ പ്ര​കാ​ശ​ൻ, സ്ക്വാ​ഡ് അം​ഗ​ങ്ങ​ളാ​യ എ.​എ​സ്.​ഐ ഇ​ല്യാ​സ്, സി.​പി.​ഒ ജ്യോ​തി​ഷ്, സീ​നി​യ​ർ സി​വി​ൽ പോ​ലീ​സ് ഓ​ഫി​സ​ർ പ്ര​ദീ​പ​ൻ എ​ന്നി​വ​ർ അ​ട​ങ്ങി​യ സം​ഘ​മാ​ണ് പ്ര​തി​യെ കു​ടു​ക്കി​യ​ത്. നൂ​റോ​ളം സി.​സി.​ടി.​വി കാ​മ​റ​ക​ളും നി​ര​വ​ധി മൊ​ബൈ​ൽ ഫോ​ൺ ട​വ​ർ ലൊ​ക്കേ​ഷ​നു​ക​ളും സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ പ​രി​ശോ​ധി​ച്ച​തി​നു​ശേ​ഷ​മാ​ണ് പ്ര​തി​യെ തി​രി​ച്ച​റി​യാ​നാ​യ​ത്. നി​ര​വ​ധി കേ​സു​ക​ളി​ൽ പ്ര​തി​യാ​ണ് യു​വാ​വെ​ന്ന് പോ​ലീ​സ് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി​യ ഇ​യാ​ളെ റി​മാ​ൻ​ഡ് ചെ​യ്തു.