വിവാദങ്ങളല്ല ജനകീയ പ്രശ്നങ്ങളാണ് രാഷ്ട്രീയ ചർച്ചയാകേണ്ടത്: എസ് വൈ എസ്

ചാവക്കാട്: കേരളം ഉപതെരഞ്ഞെടുപ്പുകളിലൂടെ സഞ്ചരിക്കുന്ന സമയത്തും രാഷ്ട്രീയ പാർട്ടികൾ വിവാദങ്ങളിൽ അഭിരമിക്കുകയാണെന്നും രാഷ്ട്രീയം ചർച്ച ചെയ്യുന്നില്ലെന്നും എസ് വൈ എസ് ജില്ലാ പ്രസിഡണ്ട് അബ്ദുൽ അസീസ് നിസാമി വരവൂര്‍ പറഞ്ഞു.[www.malabarflash.com] 

ജനകീയ പ്രശ്നങ്ങളും പൗരസമൂഹം നേരിടുന്ന ഭീഷണികളും പ്രധാന ചർച്ചയാകുമ്പോഴാണ് രാഷ്ട്രീയം ശരിയായ ദിശയിൽ സഞ്ചരിക്കുക എന്നും അദ്ദേഹം പറഞ്ഞു. 

എസ് വൈ എസിന്‍റെ എഴുപതാം വാര്‍ഷികത്തിന്‍റെ ഭാഗമായി സംസ്ഥാന കമ്മിറ്റി 'ഉത്തരവാദിത്വം; മനുഷ്യപറ്റിന്‍റെ രാഷ്ട്രീയം' എന്ന പ്രമേയത്തില്‍ തൃശൂര്‍ ആമ്പല്ലൂരില്‍ ഡിസംബര്‍ 27,28,29 തിയ്യതികളില്‍ നടത്തുന്ന കേരള യുവജന സമ്മേളനത്തിന്‍റെ പ്രചരണാര്‍ത്ഥം ജില്ലാ കമ്മിറ്റിയുടെ ആഭിമുഖ്യത്തില്‍ 4 ദിനങ്ങളിലായി നടത്തുന്ന പ്ലാറ്റിനം സഫറിന്‍റെ ചാവക്കാട് സ്വീകരണകേന്ദ്രത്തില്‍ സംസാരിക്കുകയായിരുന്നു അദ്ദേഹം. 

ബശീര്‍ അശ്റഫി,കെ.ബി ബശീര്‍,പി.എസ്.എം റഫീഖ്,ഹാഫിള് സ്വാദിഖലി ഫാളിലി,മാഹിന്‍ വടൂക്കര,വാഹിദ് നിസാമി എന്നിവര്‍ പ്ലാറ്റിനം സഫര്‍ പദയാത്രക്ക് നേതൃത്വം നല്‍കി